Македонская мова
| Македонская Македонски |
|
| Ужываецца ў | Македоніі, Сэрбіі, Грэцыі, Альбаніі, Баўгарыі[1][2] |
|---|---|
| Рэгіён | Балканы |
| Колькасьць карыстальнікаў | 2 мільёны |
| Клясыфікацыя |
Індаэўрапейская |
| Афіцыйны статус | |
| Афіцыйная мова ў | Македоніі |
| Рэгулюецца | Інстытут македонскай мовы «Крстэ Пэткаў Місіркаў» |
| Код мовы | |
| ISO 639-1 | mk |
| ISO 639-2(B) | mac |
| ISO 639-2(T) | mkd |
| SIL | MKJ |
Македо́нская мо́ва (па-македонску: макéдонски jáзик) — адна з паўднёваславянскіх моваў індаэўрапейскай моўнай сям’і.
На македонскай мове гаворыць блізу 2 мільёнаў чалавек, яна зьяўляецца дзяржаўнай мовай Македоніі, а таксама прызнанай мовай нацыянальнай меншасьці ў Альбаніі, носьбіты жывуць таксама ў Грэцыі і Сэрбіі.
Націск у македонскіх словах прыпадае пераважна на трэці ад канца склад (у двухскладовых — на другі ад канца). У адрозьненьне ад большасьці славянскіх моваў македонская (як і баўгарская) мае значна рэдукаваную склонавую парадыгму. З усіх ускосных склонаў захаваліся клічны ды рэшткі роднага-вінавальнага (Genetivus-Accusativus) склону. У македонскай мове тры тыпы постпазыцыйных артыкляў, якія ўжываюцца ў залежнасьці ад кантэксту і аддаленасьці аб’екта. Складаная сыстэма дзеяслоўных часоў. Асноўных прошлых часоў два — аорыст і імпэрфэкт (адпавядаюць беларускаму закончанаму і незакончанаму трываньню).
Зьмест |
Гісторыя [рэдагаваць]
Літаратурная македонская мова пачала фармавацца ў час нацыянальнага адраджэньня ў канцы 19 стагодзьдзя. Вялікае значэньне для гэтага працэсу мела дзейнасьць братоў Міладзінавых і, перш за ўсё, Крстэ Пэткава Місіркава, які ў 1903 годзе у кнізе «Аб македонскім пытаньні» зрабіў першую спробу кадыфікацыі македонскай мовы. Афіцыйна македонская мова была кадыфікавана ў 1945 годзе і асновай для яе сталіся ўсходні і цэнтральны македонскія дыялекты.
Альфабэт [рэдагаваць]
Выкарыстоўваецца кірылічны альфабэт з дадатковымі графэмамі Ѓ, S, J, Љ, Њ, Ќ, Џ:
Аа Бб Вв Гг Дд Ѓѓ Ее Жж Зз Ѕѕ Ии Јј Кк Лл Љљ Мм Нн Њњ Оо Пп Рр Сс Тт Ќќ Уу Фф Хх Цц Чч Џџ Шш
Крыніцы [рэдагаваць]
Вонкавыя спасылкі [рэдагаваць]
 |
Вікіпэдыя мае вэрсію на македонскай мове |
|
|||||||||||||||||
 |
Гэта — накід артыкула пра адну з моваў сьвету. Вы можаце дапамагчы Вікіпэдыі, пашырыўшы яго. |
Македонская мова — сховішча мультымэдыйных матэрыялаў
