Себескі раён

Адміністрацыйна-тэрытарыяльная адзінка
Себескі раён Себежский район
Краіна	Расея
Статус	раён
Уваходзіць у	Пскоўскую вобласьць
Адміністрацыйны цэнтар	Себеж
Дата ўтварэньня	1 жніўня 1927
Насельніцтва (2010)	21 674
Плошча	3071,8 км²
Месцазнаходжаньне Себескага раёну
Мэдыя-зьвесткі
Часавы пас	UTC+4
Код аўтам. нумароў	60

Себескі раён (па-расейску: Себежский район) — адміністрацыйна-тэрытарыяльная адзінка на паўднёвым захадзе Пскоўскай вобласьці Расеі. Адміністрацыйны цэнтар — места Себеж.

Геаграфія

Плошча раёну — 3110 км².

Раён мяжуе на поўначы з Краснагародзкім і Апочацкім раёнамі, на ўсходзе — з Пустошкінскім і Невельскім раёнамі, на захадзе — з Латвійскай Рэспублікай, на поўдні — зь Беларусьсю.

Асноўныя рэкі — Вялікая, Ідрыца, Чарнея, Канаплясцік, Досьма, Іса.

Гісторыя

Раён утвораны 1 жніўня 1927.

Дэмаграфія

Насельніцтва раёну складае 24,3 тыс. чалавек, у тым ліку ў мескіх умовах жывуць каля 14 тыс. Усяго налічваецца 434 населеныя пункты.

Транспарт

Па тэрыторыі раёну праходзіць аўтамагістраль Масква — Рыга (М-9).

Себескі раён мяжуе зь Беларусьсю, на асноўных магістралях арганізаваныя наступныя мытныя пераходы:

• «Далосцы» — в. Далосцы;
• «Бадайкава» — в. Бадайкава;

Турыстычная інфармацыя

Былы касьцёл у м. Себеж

Выдатныя мясьціны

• Гаспадарчы двор у в. Белкіна
• Сядзіба Корсакаў у в. Ганьнінск
• Гарадзішча Вітаўтава ў в. Гвазды
• Вятрак у в. Глыбочыца
• Сядзібна-паркавы комплекс у в. Глэмбочына
• Капліца-пахавальня і касьцёл сьв. Ганны ў в. Зарадзішча (Ганутава)
• Гарадзішча і старыя могілкі ў в. Кіцкова
• Парк у в. Томсіна

Страчаная спадчына

• Сядзіба Мядунецкіх і царква ў в. Белькіна
• Капліца ў в. Ганьнінск
• Сядзіба ў в. Глыбочыца
• Царква ў в. Глэмбочына
• Сядзібна-паркавы комплекс Агінскіх у в. Зарадзішча (Ганутава)
• Капліца могілкавая, каплічка прыдарожная і вуніяцкая царква Сьв. Георгія ў в. Кіцкова
• Касьцёл, сядзіба і царква Сьв. пак. Кацярыны ў в. Томсіна

Вонкавыя спасылкі

• Себескі раён на Radzima.org