Сьцяг Баўгарыі

Дзяржаўны сьцяг Рэспублікі Баўгарыя складаецца з трох роўных па велічыні гарызантальных палос: зьверху белая, пасярэдзіне зялёная, зьнізу чырвоная. Першая зь іх увасабляе волю і мір, другая — лясы і сельская гаспадарка, трэцяя — кроў, разьлітую ў барацьбе за дзяржаўную незалежнасьць.

Раней на баўгарскім сьцягу ў верхнім левым куце быў намаляваны герб Баўгарыі, аднак ён быў выдалены са сьцяга ў 1990-я гады.