Карлес Пуёль

Карлес Пуёль
Carles Puyol i Saforcada
Пэрсанальная інфармацыя
Нарадзіўся	13 красавіка 1978 Ля Побла дэ Сэгур, Гішпанія
Рост	178
Пазыцыя	абаронца
Клюбная інфармацыя
Клюб	Барсэлёна
Нумар	5
Моладзевыя клюбы
1993—1995 1995—1997	Побла дэ Сэгур Барсэлёна
Клюбы
Гады	Клюб	Гульні (галы)¹
1997—2000 1999—	Барсэлёна Б Барсэлёна	89 (6) 355 (8)
Нацыянальная зборная
2000—	Гішпанія	94 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 8 студзеня 2011. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 21 сьнежня 2010.

Карлес Пуёль і Сафаркада (нарадзіўся 13 красавіка 1978 году ў Ля Побла дэ Сэгур, Каталёнія, Гішпанія) — каталёнскі і гішпанскі футбаліст, які цяпер зьяўляецца капітанам футбольнага клюбу «Барсэлёна». Ён таксама рэгулярна выступае за нацыянальную каманду Гішпаніі. Пуёль выступаў за зборную Гішпаніі на Алімпійскіх гульнях 2000 году, Кубках сьвету 2002 і 2006 гадоў і Чэмпіянаце Эўропы 2004 году. Ён таксама згуляў у чатырох гульнях за неафіцыйную нацыянальную зборную Каталёніі.

Біяграфія

Пуёль першапачаткова пачаў гуляць у футбол на пазыцыі брамніка ў клюбе свайго роднага гораду Ля Побла дэ Сэгур, але быў вымушаны перакваліфікавацца ў нападніка пасьля таго, як атрымаў пашкоджаньне пляча. Ён трапіў у ФК «Барсэлёна Б» ва ўзросьце 17 гадоў у 1996 годзе, а ў 1999 трэнэр Луі Ван Галь перавёў яго ў першую каманду. Карлес дэбютаваў 2 кастрычніка ў гульні супраць «Вальядаліда», якую «Барсэлёна» выйграла 2:0. За блакітна-гранатавых Пуёль пачынаў гуляць на пазыцыі правага абаронцы, але потым перакваліфікаваўся ў надзейнага цэнтральнага абаронцу з моцнымі лідэрскімі якасьцямі. Ён атрымаў узнагароду УЭФА, як лепшы правы абаронца ў 2002 годзе. У сэзоне 2003—2004 Пуёль спачатку абіраецца капітанам ФК «Барсэлёна», а потым, на невялікі час, і зборнай Гішпаніі. 17 траўня 2006 году, «Барсэлёна», з Пуёлем-капітанам, выйграе Лігу чэмпіёнаў, адолеўшы «Арсэнал» у фінале. Карлес зрабіўся першым капітанам-каталёнцам, які выйграў гэты трафэй. Пуёль у тым сэзоне таксама атрымаў узнагароду УЕФА, як лепшы абаронца Лігі чэміёнаў.

Дасягненьні

З «Барсэлёнай»:

• 2009—10: Супэркубак Эўропы
• 2009—10: Супэркубак Гішпаніі
• 2008—09: Ліга чэмпіёнаў
• 2008—09: Чэмпіянат Гішпаніі
• 2008—09: Кубак Гішпаніі
• 2006—07: Супэркубак Гішпаніі
• 2006—07: Кубак Каталёніі
• 2005—06: Чэмпіянат Гішпаніі
• 2005—06: Ліга чэмпіёнаў
• 2005—06: Супэркубак Гішпаніі
• 2004—05: Чэмпіянат Гішпаніі
• 2004—05: Кубак Каталёніі
• 2003—04: Кубак Каталёніі

Пэрсанальныя:

• Каманда году УЭФА: 2002, 2005, 2006
• ФІФПро зборная сьвету: 2007

Са зборнай Гішпаніі:

• 2008: Чэмпіён Эўропы па футболе
• 2000: срэбраны мэдаль на Алімпійскіх гульнях у Сіднэі

Вонкавыя спасылкі

• Профіль на афіцыйным сайце ФК «Барсэлёна»
• Профіль гульца на FootballDatabase
• Фан-сайт
• Блог Карлеса Пуёля

 Карлес Пуёль — сховішча мультымэдыйных матэрыялаў