Пэдра Радрыгес Ледэсма

Пэдра Радрыгес Ледэсма
Pedro Rodríguez
Пэрсанальная інфармацыя
Нарадзіўся	28 ліпеня 1987 Санта-Крус-дэ-Тэнэрыфэ, Гішпанія
Рост	169 см
Вага	64 кг
Пазыцыя	нападнік
Клюбная інфармацыя
Клюб	Барсэлёна
Нумар	17
Клюбы
Гады	Клюб	Гульні (галы)¹
2007— 2007—2009	Барсэлёна Барсэлёна Б	104 (30) 55 (17)
Нацыянальная зборная
2010—	Гішпанія	18 (2)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 13 траўня 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 1 ліпеня 2011.

Пэдра Радрыгес Ледэсма (па-гішпанску: Pedro Rodríguez Ledesma; нарадзіўся 28 ліпеня 1987, Санта-Крус-дэ-Тэнэрыфэ, Гішпанія) — гішпанскі футбаліст, нападнік клюба «Барсэлёна» й нацыянальнай зборнай Гішпаніі.

Біяграфія

Пачаў сваю кар’еру ў камандзе аднаго зь ніжэйшых гішпанскіх дывізіёнаў «Сан-Ісыдра» на родных Канарскіх астравах у сэзоне 2003—2004 гадоў, адзначыўшыся гульнямі як за юнацкі, гэтак і за асноўны склад. Адтуль перабраўся ў юніёрскую каманду «Барсэлёны», за розныя юніёрскія й моладзевыя каманды «сіне-гранатавых» адыграў тры сэзоны.

Першы матч за асноўны склад «Барсэлёны» правёў 11 верасьня 2007 году ў фінале Кубка Каталёніі, дзе ягоная каманда саступіла «Хімнастыку» з Тарагоны зь лікам 1:2.

Зборная

У 2010 годзе трапіў у заяўку зборнай Гішпаніі па футболе на чэмпіянат сьвету 2010 году ў Паўднёва-Афрыканскай Рэспубліцы, дзе стаў чэмпіёнам сьвету. У 2012 годзе разам са зборнай стаў чэмпіёнам Эўропы.

Дасягненьні

Клюбныя

Барсэлёна:

• Чэмпіён Гішпаніі (3): 2009, 2010, 2011
• Уладальнік Кубка Гішпаніі (2): 2009, 2012
• Уладальнік Супэркубка Гішпаніі (3): 2009, 2010, 2011
• Пераможца Лігі Чэмпіёнаў (2): 2009, 2011
• Уладальнік Супэркубка УЭФА (2): 2009, 2011
• Пераможца клюбнага чэмпіянату сьвету (2): 2009, 2011

Міжнародныя

Гішпанія:

• Чэмпіён сьвету: 2010
• Чэмпіён Эўропы: 2012

Сям’я

Старэйшы брат Пэдра Кірыян Радрыгес Ледэсма выступае ў цяперашні час у клюбе Другой Бундэсьлігі «Франкфурт».

Вонкавыя спасылкі

 Пэдра Радрыгес Ледэсма — сховішча мультымэдыйных матэрыялаў

• Профіль на афіцыйным сайце Барсэлёны