Нікаля Анэлька

Нікаля Анэлька
Nicolas Sebastian Anelka
Пэрсанальная інфармацыя
Нарадзіўся	14 сакавіка 1979 Вэрсаль, Францыя
Рост	185
Пазыцыя	нападнік
Клюбная інфармацыя
Клюб	Ювэнтус
Нумар	18
Моладзевыя клюбы
1983—1993 1993—1995	Трапэ Клерфантэн
Клюбы
Гады	Клюб	Гульні (галы)¹
1996—1997 1997—1999 1999—2000 2000—2002 2002 2002—2004 2004—2006 2006—2008 2008—2012 2012— 2013—	Пары Сэн-Жэрмэн Арсэнал Рэал Мадрыд Пары Сэн-Жэрмэн → Лівэрпул (арэнда) Манчэстэр Сіці Фэнэрбахчэ Болтан Ўандэрэрз Чэлсі Шанхай Шэньхуа → Ювэнтус (арэнда)	10 (1) 65 (23) 19 (2) 39 (10) 22 (5) 89 (37) 39 (14) 53 (21) 106 (37) 22 (3) 2 (0)
Нацыянальная зборная
1998—2010	Францыя	69 (14)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 7 лютага 2013. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 20 лістапада 2010.

Спартовыя ўзнагароды
Футбол
Чэмпіянаты Эўропы
Золата	Бэльгія/Нідэрлянды-2000
Кубкі Канфэдэрацыяў
Золата	Карэя/Японія-2001

Нікаля Сабастыян Анэлька (па-француску: Nicolas Sebastian Anelka; нарадзіўся 14 сакавіка 1979 году ў Вэрсалі, Францыя) — францускі прафэсійны футбаліст, нападнік кітайскага клюбу «Шанхай Шэньхуа» й былы гулец зборнай Францыі. На сёньня знаходзіцца ў арэндзе ў італьянскім клюбе «Ювэнтус». Бацькі Нікаля, Маргарыта і Жан-Піліп — выхадцы з Мартынікі, якія прыехалі ў Францыю ў 1974 годзе.

Кар’ера

Пары Сэн-Жэрмэн

Сваю кар’еру Анэлька пачаў у францускім «ПСЖ», зь якога ў 17-гадовым узросьце пераехаў у «Арсэнал» у пачатку 1997 году.

Арсэнал

На «Хайбэры» малады форвард прадэманстраваў моцны футбол і ўменьне забіваць, якое дапамагло клюбу зрабіць чэмпіёнскі дубль у 1998 годзе. У фінале Кубка Ангельшчыны Нікаля забіў мяч у вароты «Ньюкаслу».

Рэал Мадрыд

Праз год Нікаля перайшоў у «Рэал» за 23 мільёны фунтаў стэрлінгаў. І «Арсэнал», і сам Анэлька былі здаволеныя ўгодай. У свой адзіны сэзон у Гішпаніі Нікаля пасьпеў выйграць Лігу чэмпіёнаў, двойчы забіўшы ў паўфінале ў вароты «Баварыі».

ПСЖ, Лівэрпул

Правёўшы толькі 12 месяцаў на «Бэрнабэу», Анэлька вярнуўся ў «ПСЖ» і за 18 месяцаў забіў у новым клюбе 18 мячоў, а потым адправіўся ў арэнду ў «Лівэрпул», дзе трэнэрам працаваў яго суайчыньнік Жэрар Улье. На «Энфілдзе» Анэлька ня стаў гульцом асноўнага складу, і гэта стала чыньнікам яго пераезду ў «Манчэстэр Сіці» пад кіраўніцтва Кэвіна Кігана.

Манчэстэр Сіці

У складзе «Гараджан» Анэлька забіваў рэгулярна: за два з паловай году 46 мячоў. Пэнальці, які Анэлька зарабіў і сам жа рэалізаваў у кастрычніку 2004 году, у вароты свайго цяперашняга клюбу, стаў чыньнікам адзінай паразы «Чэлсі» ў сэзоне, калі «Чэлсі» ўпершыню выйгралі чэмпіянат пад кіраўніцтвам Жазэ Маўрынью.

Фэнэрбахчэ

Посьпех спадарожнічаў Анэлька і ў «Фэнэрбахчэ». Ён забіваў у сярэднім у кожным трэцім матчы, уразіўшы тым самым Сэма Элардайса, які паклікаў Нікаля ў «Болтан» у пачатку сэзону 2006/07.

Болтан

У «Болтане» Нікаля гуляў як нідзе больш. За паўтара сэзону ў «Болтане» Нікаля згуляў 53 матчы, і забіў 22 мячы, з-за чаго і выявіў цікавасьць да футбаліста лёнданскі «Чэлсі».

Чэлсі

11 студзеня 2008 году Анэлька быў выкуплены «Чэлсі» з «Болтану» за 14 мільёнаў фунтаў, і падпісаў кантракт на 3,5 году.

Шанхай Шэньхуа

3 сьнежня 2011 году пасьля перамогі «Чэлсі» супраць «Ньюкасла» трэнэр сініх Андрэ Вілаш-Боаш у сродках масавай інфармацыі пацьвердзіў, што Анэлька будзе вольны, каб пакінуць «Чэлсі» ў студзені. 12 сьнежаня «Чэлсі» пацьвердзіў, што Анэлька перойдзе ў кітайскі клуб «Шанхай Шэньхуа».

Выступы ў зборнай

Апошнія дзесяць гадоў Анэлька зьяўляецца сталым гульцом зборнай Францыі, за якую ён правёў 43 матчу і забіў 11 мячоў. Анэлька быў у складзе зборнай, якая стала ў 2000 годзе чэмпіёнам Эўропы. Апошні матч за зборную ён правёў у лістападзе.

Дасягненьні

• 1997—1998 Чэмпіён Ангельшчыны
• 1997—1998 Уладальнік Кубка Ангельшчыны
• 1998—1999 Уладальнік Супэркубка Ангельшчыны
• 1999—2000 Пераможца Лігі чэмпіёнаў
• 2000 Чэмпіён Эўропы
• 2001 Уладальнік Кубка Канфэдэрацыяў
• 2001—2002 Уладальнік Кубка Інтэртота
• 2004—2005 Чэмпіён Турэччыны

Трансфэры

Усяго жа за час вандраваньня француза па эўрапейскіх клюбах на адчэпныя было выдаткавана 86 мільёнаў фунтаў. Пры гэтым у першы раз Анэлька перайшоў у 1997 годзе з ПСЖ у «Арсэнал» за 500 000 фунтаў.

Папярэднік Майкл Оўэн

Лепшы малады футбаліст Ангельшчыны 1999

Наступнік Гары К’юэл

Вонкавыя спасылкі

 Нікаля Анэлька — сховішча мультымэдыйных матэрыялаў

• Афіцыйны сайт^(фр.)
• Профіль на сайце Фэдэрацыі футболу Францыі^(фр.)
• Профіль і статыстыка на FootballDatabase.com^(анг.)
• Профіль гульца на Premiership.Ru^(рас.)