Вэнтсьпілс

Порт у Вэнтсьпілсе на рацэ Вэнта

Вэнтсьпілс (па-латыску: Ventspils, па-нямецку: Windau) — горад на паўночным захадзе Латвіі, на ўзьбярэжжы Балтыйскага мора. Ляжыць на рацэ Вэньце, ад якой і атрымаў сваё імя (у перакладзе з латыскай мовы Ventspils — замак на рацэ Вэнта). 189 км ад Рыгі. Мае насельніцтва ў 39 600 чалавек (перапіс 2004 г.).

Першая летапісная згадка — 1290 г. У сярэднявеччы Вэнтсьпілс быў ганзейскім горадам.

Вэнтсьпілс — важны незамярзаючы марскі порт, транзытны пункт для нафты і іншых мінэральных рэсурсаў з Расеі, Калійных соляў зь Беларусі. Даходы порту зрабілі Вэнтсьпілс самым заможным горадам у Латвіі. Ад Вэнтсьпілса да швэдзкага Нінесхамна рэгулярна ходзіць паром.

Буйны турыстычны цэнтар. У горадзе знаходзіцца старажытны замак Лівонскага ордэна, у сьценах якога сёньня разьмяшчаецца сучасны музэй. У горадзе ёсьць унівэрсытэт (Venstpils Augstskola). Баскетбольная каманда з Вэнтсьпілсу шмат разоў была чампіёнам краіны. У футбольнай камандзе Вэнтсьпілс у свой час гуляў беларус Аляксандар Хацкевіч. Вэнтсьпілскі аэрапорт — адзін з чатырох ў Латвіі.

Вонкавыя спасылкі

• Афіцыйная старонка^(рас.)