Арканзас

Зьвесткі зь Вікіпэдыі — вольнай энцыкляпэдыі.

Арканзас

Сьцяг Арканзасу	Герб Арканзасу
Мянушка: «Натуральны штат»


Сталіца	Літл-Рок
Найбуйнейшы горад	Літл-Рок

Плошча	29-я па ЗША
- агулам	137 732 км²
- шырата	33°0' з.ш. па 36°30' з.ш.
- даўгата	89°41' з.д. па 94°42' з.д.

Насельніцтва	33-е па ЗША
- агулам	2,673 млн
- шчыльнасьць	19,82/км²

Дата заснаваньня	15 чэрвеня 1836 (25-ы)

Губэрнатар	Майк Хакабі

Часавы пас	Цэнтральны час: UTC-6/-5

Афіцыйная старонка	http://www.state.ar.us/

Арка́нзас ці Аркансо́ (па-ангельску: Arkansas) — штат на поўдні ЗША, належыць да групы штатаў Паўднёва-заходняга Цэнтра. Насельніцтва 2,673 млн. чалавек (33-е месца сярод штатаў ЗША; 2000). Сталіца і найбуйнейшы горад Літл-Рок. Іншых буйных гарадоў няма. Афіцыйная мянушка — «Натуральны штат».

[рэдагаваць] Геаграфія і клімат

Плошча Арканзасу 137,8 тыс. км² (29-е месца сярод штатаў). На поўдні штат мяжуе зь Люізіянай, на захадзе з Тэхасам і Аклагомай, на ўсходзе з Тэнэсі і Місысыпі, на поўначы зь Мізуры.

На ўсходзе штата разьмешчаная нізіна ракі Місысыпі, на поўначы знаходзяцца горы Уошыта і ўзгорыстае плато Азарк. Клімат субтрапічны, умерана вільготны. Зімы мяккія і сьнежныя.

[рэдагаваць] Гісторыя

Першымі эўрапейцамі, якія дасьледавалі тэрыторыю Арканзасу, былі чальцы экспэдыцыі Эрнанда Дэ Сота (1541). Першымі пасяленцамі на тэрыторыі штата былі французы, пазьней — ангельцы і немцы. З XVI да пачатку XIX стагодзьдзя тэрыторыю Арканзасу аспрэчвалі Гішпанія і Францыя.

Пасьля Люізіянскай куплі ў 1803 годзе тэрыторыя была далучаная да ЗША. 15 чэрвеня 1836 году Арканзас увайшоў у склад саюзнай дзяржавы як рабаўладальніцкі штат (25-ы па ліку). Пасьля грамадзянскай вайны ён быў ізноў прыняты ў склад ЗША (1868), нягледзячы на вэта прэзыдэнта Эндру Джонсана.

[рэдагаваць] Эканоміка

У 2003 годзе ВУП штата склаў $76 млрд. Арканзас — галоўны штат краіны па вытворчасьці мала, соевых бабоў, бройлерных куранятаў, вырабляе таксама каля 10% усяго пляскача ў краіне. Разьвітая харчовая індустрыя, ёсьць вытворчасьць электраабсталяваньня і аўтазапчастак. Сярод карысных выкапняў найважнейшае месца займае здабыча баксітаў.

[рэдагаваць] Дэмаграфія

Значны прырост насельніцтва ў Арканзасе азначыўся ў 1940-х. Цяпер каля 83% насельніцтва штата складаюць белыя, 16% — афра-амэрыканцы. У штаце жывуць каля 13 тысячаў індзейцаў. Самая хуткарослая этнічная група — выхадцы з Азіі. Асноўная канфэсія — пратэстанты (галоўным чынам баптысты і мэтадысты).

[рэдагаваць] Спасылкі


Адміністрацыйныя адзінкі ЗША
Штаты	Агаё \| Айдага \| Аклагома \| Алабама \| Аляска \| Арызона \| Арканзас \| Арэгон \| Аява \| Ваёмінг \| Вашынгтон \| Вэрмонт \| Вірджынія \| Вісконсін \| Гаваі \| Дэлавэр \| Джорджыя \| Заходняя Вірджынія \| Ілінойс \| Індыяна \| Каларада \| Каліфорнія \| Канзас \| Кентакі \| Канэктыкут \| Люізіяна \| Мантана \| Масачусэтс \| Мінэсота \| Місысыпі \| Мізуры \| Мічыган \| Мэн \| Мэрылэнд \| Нэбраска \| Нэвада \| Нью-Гэмпшыр \| Нью-Джэрзі \| Нью-Ёрк \| Нью-Мэксыка \| Паўднёвая Караліна \| Паўднёвая Дакота \| Паўночная Караліна \| Паўночная Дакота \| Пэнсыльванія \| Род-Айлэнд \| Тэнэсі \| Тэхас \| Флорыда \| Юта
Фэдэральная акруга	Акруга Калюмбія
Астраўныя тэрыторыі	Амэрыканскае Самоа \| Абток Бэйкер \| Гуам \| Абток Хоўлэнд \| Абток Джэрвіс \| Атол Джонстан \| Рыф Кінгмэн \| Атол Мідўэй \| Абток Наваса \| Паўночныя Марыянскія абтокі \| Атол Пальміра \| Пуэрта-Рыка \| Віргінскія абтокі \| Абток Ўэйк