Леў (сузор’е)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Леў
Леў
Лацінская назва Leo
 · у родным склоне Leonis
Простае ўзьняцьцё 11г
Схіленьне +15°
Квадрант NQ2
Плошча 947 кв. гр. (12-е)
Зорак паводле Баера/Флэмстыда 92
Зорак з плянэтамі 13
Зорак ярчэй за 3.00m 5
Зорак у 10 пк (32,62 сьв. г.) 5
Найярчэйшая зорка α Leo (1,35m)
Найбліжэйшая зорка Вольф 359
(7,78 сьв. г., 2,39 пк)
Аб’екты Мэсье 5
Мэтэорныя патокі Леаніды
Памежныя сузор’і
Назіраецца ў шыротах паміж +90° і −65°.
Найлепш назіраецца ў 21:00 на працягу красавіка.

Леў (па-лацінску: Leo) — задыякальнае сузор’е паміж Ракам і Дзевай. Сымбалем Ільва зьяўляецца Leo.svg ( ). Леў — адно з 48 сузор’яў, пералічаных Пталемэем у II ст., адкуль было залічана ў сьпіс 88 сучасных сузор’яў.

Адметнасьці[рэдагаваць | рэдагаваць крыніцу]

Зоркі[рэдагаваць | рэдагаваць крыніцу]

Асноўны артыкул: Сьпіс зорак у сузор’і Льва

У сузор’і Льва знаходзіцца шмат яскравых зорак. Рэгул, які адначасова зьяўляецца Альфай Ільва — сіне-белая зорка галоўнай пасьлядоўнасьці з зорнай велічынёй 1,4, якая знаходзіцца за 77,5 сьв. гадоў ад Зямлі. У бінокль можна адрозьніць кампанэнты гэтай, насамрэч падвойнай, зоркі з зорнай велічынёй 7,7. «Рэгул» у перакладзе азначае «прынц». Дэнэбола, або Бэта Льва — другая паводле яскравасьці зорка ў сузор’і з зорнай велічынёй 2,1 за 36 сьв. гадоў ад Зямлі. У сузор’і Дэнэбола ляжыць акурат насупраць Рэгула, таму яе называюць «хвастом Ільва». Альгіеба, Гама Льва — падвойная зорка з трэцім аптычным кампанэнтам за 126 сьв. г. ад Зямл; першы і другі кампанэнт назіраюцца адрозна ў малы тэлескоп, а трэці бачны ў бінокль. Першы кампанэнт — жоўты гігант з зорнай велічынёй 2,3. Другі — той жа клясы, але з зорнай велічынёй 3,6. Пэрыяд абарачэньня зорак складае 600 гадоў. Трэці аптычны кампанэнт, 40 Ільва, зьяўляецца жоўтая зорка з зорнай велічынёй 4,8. Назва «Альгіеба» паходзіць ад арабскай Al-Jabhah і тлумачыцца як «лоб». δ Льва, Зосма, ёсьць сіне-белым гігантам з зорнай велічынёй 2,6 за 58 сьв. г. ад Зямлі. ε Ільважоўты гігант з зорнай велічынёй 3,0 за 251 сьв. год ад Зямлі.[1]

Зорка Вольф 359 (CN Ільва) — адна з найбліжэйшых да Зямлі зорак, знаходзіцца за 7,8 сьветлавых гадоў ад нашай плянэты. Вольф 359 — чырвоны карлік з зорнай велічынёй 13,5, але яна зьмяняецца (адхіляецца на 1 адзінку ў абодва бакі), бо гэта пыхаючая зорка.[1] Глізэ 436 — цьмяная зорка ў сузор’і Льва за 33 сьветлавыя гады ад Сонца — вакол яе верціцца экзаплянэта з масай Нэптуна.[2]

Сузор’е Льва таксама зьяўляецца прыстанкам для SDSS J102915+172927 — зоркі папуляцыі II ў галяктычным гало. Зорцы каля 13 млрд гадоў, што робіць яе адной з найстарэйшых зорак у Галяктыцы. Яна таксама мае найменшую мэталічнасьць з усіх вядомых дагэтуль зорак.

Астралёгія[рэдагаваць | рэдагаваць крыніцу]

Асноўны артыкул: Леў (знак задыяку)

Ад 2002 году Сонца праходзіць праз сузор’е Льва з 10 жніўня да 10 верасьня. У трапічнай астралёгіі Сонца знаходзіцца ў сузор’і Льва з 23 ліпеня да 23 жніўня, у сыдэрычнай астралёгіі — з 16 жніўня да 15 верасьня.

Крыніцы[рэдагаваць | рэдагаваць крыніцу]

  1. ^ а б Ridpath & Tirion 2001, стст. 166—168.
  2. ^ Ker Than (10 кастрычніка 2008) Smallest exoplanet may have been found(анг.) NewScientist

Літаратура[рэдагаваць | рэдагаваць крыніцу]

  • Ridpath, Ian; Tirion, Wil Stars and Planets Guide. — Princeton University Press, 2001. — ISBN 0-691-08913-2

Вонкавыя спасылкі[рэдагаваць | рэдагаваць крыніцу]

Commons-logo.svg  Леў (сузор’е)сховішча мультымэдыйных матэрыялаў

Каардынаты: Sky map 11г 00х 00с, +15° 00′ 00″