Microsoft
| Microsoft Corporation | |
 |
|
| Тып | Публічная кампанія |
|---|---|
| Лістынг на біржы | NASDAQ: MSFT |
| Дэвіз | Your potential. Our passion.[1] |
| Заснаваная | Альбукерке, Нью-Мэксыка (4 красавіка 1975) |
| Заснавальнікі | Біл Гейтс Пол Ален |
| Разьмяшчэньне | Рэдманд, Вашынгтон |
| Ключавыя фігуры | Біл Гейтс Стыў Балмэр |
| Галіна | праграмнае забесьпячэньне, тэлебачаньне, відэагульні |
| Прадукцыя | Microsoft Windows, Microsoft Office, Xbox, Xbox 360 |
| Афіцыйны сайт | www.microsoft.com |
Microsoft (Microsoft Corporation, па-беларуску: Ма́йкрасофт, часта памылкова прамаўляецца «Мікрасо́фт») — найбуйнейшая (прыбытак за 2006 год — $12,06 млрд пры абароце ў $44,28 млрд) транснацыянальная кампанія па вытворчасьці апраграмаваньня для рознага роду вылічальнай тэхнікі, такой як: пэрсанальных кампутараў, ігравых прыставак, КПК, мабільных тэлефонаў і іншага. Таксама вырабляе некаторыя аксэсуары для персанальных кампутараў (клавіятуры, мышы і г. д.). Штат налічваў у 2004 г. 57 000 супрацоўнікаў. Кампанія публічнага тыпу, яе акцыі можна набыць на біржы NASDAQ: MSFT. Штаб-кватэра кампаніі знаходзіцца ў Рэдмандзе (прадмесьце Сіетлу), штат Вашынгтон.
Зьмест |
Гісторыя [рэдагаваць]
Заснаваная ў 1975 годзе Білам Гейтсам і Полам Аленам, у той час — студэнтамі. Назоў кампаніі — скарачэнне ад MICROcomputer SOFTware (праграмнае забесьпячэньне для мікракампутараў).
Прадукцыя [рэдагаваць]
Карпарацыя вырабляе лінію АС сямейства Windows, офісныя дастасаваньні сямейства Microsoft Office, камплекты сэрвэрных дастасаваньняў, гульні, мультымэдыйную прадукцыю, сродкі распрацоўкі праграм, а таксама гульнявыя кансолі X-Box. Вядзе палітыку актыўнай скупкі пэрспэктыўных кампаніяў — распрацоўнікаў апраграмаваньня. У прыватнасьці, у выніку паглынання кампаніі Navision, Solomon, Great Plains у асартымэнце Microsoft зьявіўся новы буйны кірунак Microsoft Dynamics (раней Microsoft Business Solutions). У Расеі прадстаўленыя тры рашэньні гэтага напрамку: ERP-сыстэмы Axapta, Navision і сыстэма кіраваньня зносінамі — Microsoft Dynamics CRM.
Крытыка [рэдагаваць]
Карпарацыю часта вінавацяць у агульным паніжэньні стандартаў надзейнасьці праграмнага забесьпячэньня. У апошнія гады кампанія таксама стала адказчыкам у шматлікіх судовых працэсах з нагоды нядобрасумленнай канкурэнцыі і парушэньняў антыманапольнага заканадаўства і патэнтаў іншых кампаній у розных краінах. У сакавіку 2004 года Эўрапэйская камісія па канкурэнцыі загадала Microsoft выплаціць €497 мільёнаў[2] за змушэньне пакупнікоў сваёй апэрацыйнай сыстэмы Windows XP да адначасовага набыцьця свайго прайгравальніка Windows Media Player. У ліпені 2006 году Эўракамісія забавязала Microsoft выплаціць яшчэ €280,5 млн за невыкананьне загада да 21 чэрвеня 2006 году.[3] У чэрвені 2008 году амэрыканскі суд задаволіў пазоў францускага прадпрыемства Alcatel-Lucent да Microsoft у сувязі з парушэньнем права на выключнае выкарыстаньне вынайдзеных у Alcatel-Lucent прыёмаў узаемадзеяньня з календарамі.[4]
Глядзіце таксама [рэдагаваць]
Крыніцы [рэдагаваць]
- ^ Microsoft Corporation // microsoft.com
- ^ Microsoft абскардзіла накладзены Еўракамісіяй рэкордны штраф// Беларускія навіны ІТ. 12 траўня 2008
- ^ Microsoft абскардзіла штраф, накладзены Еўракамісіяй// Беларускія навіны ІТ. 12 траўня 2008
- ^ Microsoft атрымала яшчэ адну перамогу ў патэнтавым разглядзе з Alcatel-Lucent// Беларускія навіны ІТ. 14 красавіка 2009
Вонкавыя спасылкі [рэдагаваць]
Microsoft — сховішча мультымэдыйных матэрыялаў
- Прадстаўніцтва ў Беларусі
- Microsoft Network(анг.)
- Бачына X-BOX(анг.)
- Бачына ігравога падпадзяленьня Microsoft(анг.)
- Бачына зь пералікам альтэрнатыў прадуктам Майкрасофт(анг.)
