Івонка Сурвіла

Івонка Сурвіла
Івонка Сурвіла падчас інтэрвію Голасу Амэрыкі, 6 верасьня 2006
Старшыня Рады БНР у выгнаньні
з 1997 — па цяп. час
Папярэднік:	Язэп Сажыч
Асабістыя зьвесткі:
Нарадзілася:	11 красавіка 1936 Стоўбцы, Стаўпецкі павет, Наваградзкае ваяводзтва, Польская Рэспубліка
Нацыянальнасьць:	беларуска
Сужэнец:	Янка Сурвіла
Дзеці:	мае дзьвюх дачок (гл. Паўліна Сурвіла)
Бацькі:	Уладзімер Шыманец Эвэліна Шыманец

Івонка Сурвіла (дзявочае прозьвішча — Шыманец, нарадзілася 11 красавіка 1936, Стоўбцы) — дзяячка беларускай эміграцыі, жыве ў Канадзе, ад 1997 году ўзначальвае «раду БНР у выгнаньні» (яе папярэднікам быў Язэп Сажыч).

Бацька Ўладзімер Шыманец быў міністрам фінансаў у «радзе БНР у выгнаньні» пад кіраўніцтвам Васіля Захаркі. У 1944 уся сям'я зьбегла зь Беларусі ўва Ўсходнюю Прусію, затым у Данію, Францыю і Гішпанію. Івонка скончыла Ў Парыжы Вышэйшую мастацкую школу, пасьля моўнае аддзяленьне Сарбоны (у 1959). У 1958-1965 працавала на Нацыянальным гішпанскім радыё ў Мадрыдзе, вяла перадачы на беларускай мове, што трансьляваліся на Беларусь.

Канчаткова пасялілася ў Канадзе з 1969 году, да 1997 працавала перакладчыцай ва ўрадзе Канады (француская й ангельская мовы). Як мастак удзельнічала ў выставах. У 1989 заснавала Канадыйскі фонд дапамогі ахвярам Чарнобылю ў Беларусі, узначаліла яго ў 1997. Фонд аказвае гуманітарную дапамогу пацярпелым ад аварыі на ЧАЭС, арганізоўвае лекаваньне й аздараўленьне дзяцей зь Беларусі ў Канадзе.

Ад 1997 узначальвае Раду БНР.

Мае дачок Ганну і Паўліну Сурвілу.

Спасылкі

• Бачына «рады ў выгнаньні»
• Івонка Сурвіла адказвае на пытаньні на форуме радыё «Свабода»