Індзейская ўдава

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Індзейская ўдава
Joseph Wright of Derby. The Widow of an Indian Chief Watching the Arms of Her Deceased Husband.1785..jpg
англIndian Widow
Мастак Джозэф Райт
Год 1783 або 1784
Тып палатно, алей
Памеры 101,6 × 127
Месцазнаходжаньне Музэй і мастацкая галерэя ДэрбіДэрбі

«Індзейская ўдава» (па-ангельску: Indian Widow) — карціна ангельскага мастака Джозэфа Райта, скончаная напрыканцы 1793 альбо напачатку 1794 году і ўпершыню выстаўленая на пэрсанальнай выставе Райта ў 1785 годзе. Цяпер карціна выстаўленая ў Музэі і мастацкай галерэі Дэрбі[1]. Сам мастак выкарыстоўваў назву «Індзейская ўдава», але больш поўная назва — «Удава індзейскага правадыра, якая сочыць за зброяй свайго пакойнага мужа» (анг. The Widow of an Indian Chief Watching the Arms of Her Deceased Husband).

Паводле Нікалсана, частка дэталяў карціны (шкуры, пёры, нож) досыць праўдападобныя, у той час як драпіраваньне зьяўляецца толькі данінай моднай манеры малюнку жанчынаў, якія перажываюць складанасьці; гэта кажа на карысьць таго факту, што Райт выкарыстоўваў сапраўдны рэквізіт[2].

Іншы мастак з Дэрбі, Джон Рафаэль Сьміт (John Raphael Smith), выгравіраваў гэтую карціну ў 1785 годзе[3]. Сам Райт напісаў яшчэ даволі блізкую копію «Індзейскай удавы» (зьнішчаную ў пажары)[1], а таксама яшчэ адну карціну, прысьвечаную жаночай сіле духу — «The Lady in Milton’s Comus».

Крыніцы[рэдагаваць | рэдагаваць крыніцу]

  1. ^ а б Indian Widow, Derby City Council, accessed March 2011
  2. ^ Benedict Nicolson Joseph Wright of Derby: painter of light. — 1968. — С. 148.
  3. ^ The Widow of an Indian Chief Watching the Arms of her Deceased Husband, (Clayton 31), John Raphael Smith, Christies.com