Крыштыяну Раналду

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Крыштыяну Раналду
Крыштыяну Раналду
Пэрсанальная інфармацыя
Мянушка Роньні
Нарадзіўся 5 лютага 1985 (29 гадоў)
Фуншал, Партугалія
Рост 186 см
Вага 84 кг
Пазыцыя нападнік, атакавалы паўабаронца
Клюбная інфармацыя
Клюб Рэал Мадрыд
Нумар 7
Моладзевыя клюбы
19931995
19951997
19972002
Андарынья
Насьёнал
Спортынг
Клюбы
Гады Клюб Гульні (галы)¹
20022003
20032009
2009
Спортынг
Манчэстэр Юнайтэд
Рэал Мадрыд
25 (3)
196 (84)
143 (153)
Зборныя
2003— Партугалія 107 (43)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана па стане на
5 кастрычніка 2013.
² Колькасьць гульняў і галоў за нацыянальную зборную
ў афіцыйных матчах, адкарэктавана па стане на
11 кастрычніка 2013.

Крыштыя́ну Рана́лду душ Са́нтуш Авэ́йру (па-партугальску: Cristiano Ronaldo dos Santos Aveiro; нарадзіўся 5 лютага 1985 году ў Фуншал, Партугалія) — партугальскі футбаліст, нападнік клюба «Рэал Мадрыд» і нацыянальнай зборнай Партугаліі, капітанам якой зьяўляецца. Самы дарагі футбаліст у сьвеце за ўсю гісторыю футбола — за ягоны пераход з «Манчэстэр Юнайтэд» у «Рэал» абышоўся мадрыдзкаму клюбу больш за 83 млн фунтаў стэрлінгаў. Лічыцца адным зь лепшых футбалістаў сучаснасьці[1][2][3].

Раналду быў прызнаны лепшым маладым гульцом чэмпіянату Эўропы 2004 году. Крыштыяну зьяўляецца чэмпіёнам ангельскай Прэм’ер-лігі сэзонаў 2006—2007, 2007—2008 і 2008—2009 гадоў. Некалькі разоў станавіўся лепшым гульцом ангельскай лігі. У сэзоне 2006—2007 гадоў дайшоў з «Манчэстэр Юнайтэд» да паўфіналу Лігі чэмпіёнаў, а ў наступным сэзоне выйграў у фінале ў лёнданскага «Чэлсі». У 2008 годзе быў прызнаны лепшым футбалістам году ў клюбным эўрапейскім футболе паводле вэрсіі УЭФА й лепшым гульцом Лігі чэмпіёнаў, атрымаўшы «Залаты мяч» як лепшы футбаліст Эўропы й ўзнагароду «Гулец году ФІФА» як лепшы футбаліст сьвету.

Раньнія гады[рэдагаваць | рэдагаваць крыніцу]

Крыштыяну нарадзіўся ў сям’і Марыі Далорэш душ Сантуш Авэйру й Жазэ Дыніша Авэйру, ён быў чацьвёртым дзіцем у сям’і пасьля старэйшага брата Угу, які нарадзіўся ў 1975 годзе, і дзьвюх сясьцёр, Эльмы (нарадзілася ў 1974 годзе) і Ліліяны Каці (нарадзілася ў 1976 годзе). Ліліян Каця — сьпявачка, якая выступае ў Партугаліі пад сцэнічным імем «Ronalda». Другое імя, дадзенае Крыштыяну пры нараджэньні, Раналду, для Партугаліі досыць рэдкае. Бацькі назвалі хлопчыка ў гонар Рональда Рэйгана, бо бацька Крыштыяну быў прыхільнікам былога амэрыканскага прэзыдэнта.

Кар’ера[рэдагаваць | рэдагаваць крыніцу]

Пачатак[рэдагаваць | рэдагаваць крыніцу]

У дзяцінстве любімай камандай Раналду была «Бэнфіка». У васьмігадовым узросьце ён гуляў за аматарскую каманду «Андарынья», у якой працаваў ягоны бацька. У 1995 годзе Крыштыяну падпісаў кантракт зь мясцовым клубам «Насьёнал». Пасьля пераможнай кампаніі ў «Насьёнал» Раналду адправіўся на трохдзённы прагляд у «Спортынг», па выніках якога заключыў кантракт зь лісабонскім клюбам[4].

«Спортынг»[рэдагаваць | рэдагаваць крыніцу]

У 1997 годзе Раналду перайшоў у моладзевую акадэмію «Спортынг». Ён стаў адзіным футбалістам у гісторыі клюба, якія згулялі за ўсе склады «Спортынгу» — да 16, да 17, да 18 гадоў, рэзэрвовую й асноўную каманды — на працягу аднаго сэзону[5]. Ён дэбютаваў за дарослы склад «Спортынгу» 15 жніўня 2001 году ў таварыскім матчы супраць лісабонскага «Атлетыка», выйшаўшы на замену ў другім тайме й вызначыўшыся забітым мячом[6]. У гэты ж час ён згуляў за зборную Партугаліі на моладзевым чэмпіянаце Эўропы для футбалістаў да 17 гадоў.

«Манчэстэр Юнайтэд»[рэдагаваць | рэдагаваць крыніцу]

У футболцы «Манчэстэр Юнайтэд»

Раналду стаў першым партугальскім гульцом у гісторыі «Манчэстэр Юнайтэд», заключыўшы кантракт з клюбам пасьля заканчэньня сэзону 2002—2003 гадоў. Сума трансфэру склала 12,24 млн фунтаў[7]. Раналду папрасіў для сябе нумар «28» (свой нумар у «Спортынгу»), бо не хацеў дадатковага ціску, зьвязанага з нумарам «7», які раней належаў такім легендарным гульцам «Юнайтэд», як то Джордж Бэст, Браян Робсан, Эрык Кантана й Дэйвід Бэкгэм.

Раналду дэбютаваў за «Юнайтэд» у хатнім матчы з клюбам «Болтан Ўандэрэрз» на стадыёне «Олд Трафард» 16 жніўня 2003 году, выйшаўшы на замену. Сустрэча завяршылася перамогай гаспадароў зь лікам 4:0. Першы гол за «чырвоных д’яблаў» партугалец забіў 1 лістапада 2003 году ў матчы з «Портсмутам», які скончыўся зь лікам 3:0.

У лістападзе й сьнежні 2006 году Раналду атрымаў званьне гульца месяца Прэм’ер-лігі, стаўшы трэцім у гісторыі гэтага турніру футбалістам, якому атрымалася ўзяць дзьве ўзнагароды запар, пасьля Дэніса Бэргкампа ў 1997 годзе й Робі Фаўлера ў 1996 годзе[8][9]. 5 траўня 2007 году Раналду забіў свой 50 гол за «Юнайтэд» у дэрбі з «Манчэстэр Сіці», пасьля якога клюб заваяваў тытул чэмпіёнаў Прэм’ер-лігі сэзону 2006—2007 гадоў. Нягледзячы на чуткі, што зьявіліся ў сакавіку 2007 году, пра тое, што «Рэал Мадрыд» гатовы заплаціць за Раналду 80 млн эўра (54 млн фунтаў)[10], 13 красавіка партугалец падпісаў 5-гадовы кантракт з клюбам, які прадугледжваў таксама павелічэньне зарплаты да 120 тысячаў фунтаў у тыдзень, што зрабіла яго самым высокааплатным футбалістам у гісторыі «Манчэстэр Юнайтэд»[11][12].

«Рэал Мадрыд»[рэдагаваць | рэдагаваць крыніцу]

Летам 2009 году Раналду перайшоў у стан «Рэал Мадрыду». У ходзе перамоваў Флярантына Пэрэс і Дэйвід Гіл сышліся на суме ў 93,4 млн эўра, што адпавядала на той момент каля 80 млн фунтаў стэрлінгаў. Партугальскі паўабаронца стаў самым дарагім гульцом у гісторыі сусьветнага футбола, пабіўшы рэкорд Зыдана, які перайшоў з турынскага «Ювэнтуса» ў мадрыдзкі «Рэал» у 2001 годзе за прыкладна 76 млн эўра.

Першы гол за «Рэал» Раналду забіў у матчы з эквадорскім «ЛДУ», вызначыўшыся з пэнальці. Першы гол у афіцыйным матчы за «Рэал Мадрыд» Раналду забіў 29 жніўня 2009 году ў сустрэчы з «Дэпартыва», вызначыўшыся на 35 хвіліне з пэнальці, той матч скончыўся зь лікам 3:2 на карысьць «Рэалу». Другі гол ён забіў 12 верасьня ў матчы з «Эспанёлам» (3:0) у дададзены арбітрам час.

Міжнародная кар’ера[рэдагаваць | рэдагаваць крыніцу]

Крыштыяну Раналду ўпершыню на міжнароднай арэне заявіў пра сябе на хатнім для партугальцаў Эўра-2004. На гэтым чэмпіянаце Крыштыяну некалькі разоў выступаў якасьці аўтараў галоў і галявых перадачаў, выйшаўшы разам з камандаў у фінал, але атрымаўшы паразу ў ім ад грэкаў. У адборачным цыкле да чэмпіянату сьвету 2006 году найбольш яскрава Крыштыяну згуляў у матчы супраць зборнай Расеі, забіўшы 2 галы. У тым цыкле Крытыяну агулам забіў 7 мячоў, але ў фінальнай частцы дайшлі толькі да паўфіналу й у выніку занялі чацьвёртае месца.

На Эўра-2008 на партугальцаў ўскладалі вялікія надзеі, бо Крыштыяну правёў фантастычны сэзон за «Манчэстэр Юнайтэд», пры гэтым ён забіў 8 галоў у адборачным турніры. Ён правёў выдатны матч супраць каманды Чэхіі, забіўшы гол і аддаўшы галявы пас на Рыкарду Куарэжму. У чвэрцьфінале, нягледзячы на ўсе намаганьні Раналду, партугальцы саступілі немцам зь лікам 2:3. На чэмпіянаце сьвету 2010 году Крыштыяну таксама быў адным зь лідэраў зборнай, якая выйшла ў наступны раўнд без прапушчаных мячоў. Аднак ужо ў 1/8 фіналу партугальская каманды атрымала паразу ад чэмпіёнаў таго спаборніцтва зборнай Гішпаніі.

Дасягненьні[рэдагаваць | рэдагаваць крыніцу]

Пэрсанальныя[рэдагаваць | рэдагаваць крыніцу]

  • Уладальнік Залатога мяча: 2008
  • Лепшы футбаліст сьвету паводле вэрсіі ФІФА: 2008
  • Лепшы футбаліст сьвету паводле вэрсіі FIFAPro: 2008
  • Лепшы клюбны футбаліст паводле вэрсіі УЭФА: 2008
  • Лепшы футбаліст Эўропы (Onze d’Or): 2008

Клюбныя[рэдагаваць | рэдагаваць крыніцу]

Сьцяг Ангельшчыны Манчэстэр Юнайтэд

Сьцяг Гішпаніі Рэал Мадрыд

Міжнародныя[рэдагаваць | рэдагаваць крыніцу]

Сьцяг Партугаліі Партугалія

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Крыштыяну Раналдусховішча мультымэдыйных матэрыялаў