Вузьляны

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Вузьляны
трансьліт. Vuzliany, Uzliany
Краіна: Беларусь
Вобласьць: Менская
Раён: Пухавіцкі
Сельсавет: Пярэжырскі
Насельніцтва
колькасьць: 275 чал. (2010)
колькасьць двароў: 151 (2002)
Часавы пас: UTC+3
Тэлефонны код: +375 1713
Паштовы індэкс: 222844
Нумарны знак: 5
Геаграфічныя каардынаты: 53°37′29.6″ пн. ш. 27°42′44.8″ у. д. / 53.624889° пн. ш. 27.712444° у. д. / 53.624889; 27.712444Каардынаты: 53°37′29.6″ пн. ш. 27°42′44.8″ у. д. / 53.624889° пн. ш. 27.712444° у. д. / 53.624889; 27.712444
Вузьляны на мапе Беларусі ±
Вузьляны
Вузьляны
Вузьляны
Вузьляны
Вузьляны
Вузьляны
Commons-logo.svg Галерэя здымкаў у Вікісховішчы

Вузьля́ны, Узьля́ны[1]вёска ў Пухавіцкім раёне Менскай вобласьці, на левым беразе ракі Вушанка, за 10 км на захад ад Рудзенску. Вузьляны ўваходзяць у склад Пярэжырскага сельсавету.

Гісторыя[рэдагаваць | рэдагаваць крыніцу]

Сынагога ў Вузьлянах, мал. кан. XIX ст.

Вузьляны зьяўляюцца старажытным паселішчам, калісьці належалі віленскім япіскапам.

У XIX ст. сяло Пярэжырскай воласьці Ігуменскага павету Менскай губэрні, уласнасьць Копаця й Лапы. На 1886 год маецца праваслаўная царква.

На пачатку XX ст. на месцы сучаснага населенага пункту было 2 вёскі з назвай Вузьляны. У адной мелася 75 двароў, 502 жыхары, у другой — 76 двароў, 570 жыхароў. Побач зь імі знаходзіліся аднайменныя маёнтак (3 двары, 67 жыхароў) і мястэчка (105 двароў, 867 жыхароў). Працавалі праваслаўная царква, сынагога, паштова-тэлеграфнае аддзяленьне, царкоўнапрыходзкая школа (адкрытая ў 1903 годзе). На сьвяты праводзіліся таржкі. Усе гэтыя населеныя пункты ўваходзілі ў склад Пярэжырскай воласьці Ігуменскага павету Менскай губэрні. У 1917 побач знаходзіліся 5 населеных пунктаў з назвай Вузьляны: мястэчка, сяло, вёска (яна ж Паляны), два маёнткі.

Пасьля Кастрычніцкай рэвалюцыі тут створаная працоўная школа 1-й ступені, у якой вучылася ў 1922 годзе каля 70 дзяцей, працавалі 2 настаўнікі. З 20 жніўня 1924 цэнтар сельсавету. У 1933 годзе былі калгасы імя Ё.Сталіна й імя У. Леніна, 2 млыны, шавецкая майстэрня, 2 кузьні. З 1938 году вёска Вузьляны.

У канцы чэрвеня 1941 году захопленая немцамі. 8 кастрычніка нацыстамі расстраляныя 375 мірных жыхароў жыдоўскай нацыянальнасьці.

Вызваленая 4 ліпеня 1944 году.

Да 28 траўня 2013 году цэнтар Вузьлянскага сельсавету. Пасьля скасаваньня Вузьлянскага сельсавету ўключаная ў Пярэжырскі сельсавет[2].

Інфраструктура[рэдагаваць | рэдагаваць крыніцу]

У вёсцы працуюць базавая школа, ясьлі-сад, фэльчарска-акушэрскі пункт, бібліятэка, Дом культуры, ашчадная каса, комплексны прыёмны пункт бытавога абслугоўваньня, вэтэрынарны ўчастак, мэханічныя майстэрні, крама.

Насельніцтва[рэдагаваць | рэдагаваць крыніцу]

  • 1886 — 73 двары, 624 жыхары
  • пачатак XX ст.: 1 вёска — 75 двароў, 502 жыхары; 2 вёска — 76 двароў, 502 жыхары; маёнтак — 3 двары, 67 жыхароў; мястэчка — 105 двароў, 867 жыхароў
  • 1917 — 5 населеных пунктаў з назвай Вузьляны: мястэчка — 102 двары, 690 жыхароў; сяло — 78 двароў, 438 жыхароў; вёска (яна ж Паляны) — 103 двары, 521 жыхар; два маёнткі — 78 жыхароў
  • 1970 — 166 двароў, 447 жыхароў
  • 1999 — 436 чалавек
  • 2002 — 151 двор, 399 жыхароў
  • 2010 — 275 чалавек

Страчаная спадчына[рэдагаваць | рэдагаваць крыніцу]

  • Царква Покрыва Прасьв. Багародзіцы
  • Сынагога

Вядомыя выхадцы[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • Памяць: Гіст.-дакум. хроніка Пухавіцкага раёна / Укл. А. А. Прановіч. — Мн., 2003.— 749 с.: іл.

Вонкавыя спасылкі[рэдагаваць | рэдагаваць крыніцу]

Шаблён:Пярэжырскі сельсавет