Робэрт Шуман

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Робэрт Шуман
Партрэт Робэрта Шумана, малюнак Адольфа фон Мэнцэля 1850 году
Партрэт Робэрта Шумана, малюнак Адольфа фон Мэнцэля 1850 году
Дата нараджэньня 8 чэрвеня 1810
Месца нараджэньня Цьвікаў
Дата сьмерці 29 ліпеня 1856
Месца сьмерці Каралеўства Прусія, Эндэніх (ля Бону)
Краіна Нямеччына
Прафэсіі кампазытар, піяніст, дырыжэр
Жанры канцэрты / вакальныя творы / сымфанічныя творы / камэрная музыка
Псэўданімы Эўзэбій, Флёрэстан

Робэрт Шуман (8 чэрвеня 1810, Цьвікаў — 29 ліпеня 1856, Эндэніх (цяпер — гарадзкі раён Бону) — нямецкі кампазытар, дырыжэр, музычны крытык, пэдагог.

Нарадзіўся ў Цьвікаў (Саксонія) у сям’і кнігавыдаўца і пісьменьніка Аўгуста Шумана (1773—1826). З 1830 браў урокі кампазыцыі і фартэпіяна ў Ляйпцыгу. Аднак, захапіўшыся экспэрымэнтамі з мэханічнымі прыладамі, пашкодзіў сабе рукі і вымушаны быў абмежавацца кампазытарскай кар’ерай. У 1840 годзе ажаніўся на Кляры Вік, дачцэ свайго настаўніка па фартэпіяна, якая стала першым выканаўцам многіх яго фартэпіянных твораў.

Творчая спадчына Шумана ахоплівае:

  • 4 сымфоніі і 2 сымфанічныя ўвертуры,
  • канцэрты для фартэпіяна, скрыпкі, віялянчэлі, а таксама для чатырох валторнаў з аркестрам,
  • шматлікія творы для фартэпіяна — 3 санаты, цыклі «Карнавал», «Сымфанічны этуды» і многія іншыя
  • тры струнных квартэта, фартэпіянны квартэт і квінтэт
  • шэраг вакальных цыкляў на словы Генрыха Гайнэ і іншых паэтаў

Літаратура[рэдагаваць | рэдагаваць крыніцу]

  • Житомирский Д. В. Роберт Шуман: Очерк жизни и творчества. — М., 1964
  • Ганзбург Г. Песенный театр Роберта Шумана // Музыкальная академия. — 2005. — №1. — С. 106-119.

Вонкавыя спасылкі[рэдагаваць | рэдагаваць крыніцу]