Кіраўск
| Кіраўск, Качэрычы | |||||
|
|||||
| Першыя згадкі: | ХVІ ст. | ||||
| Вобласьць: | Магілёўская | ||||
| Раён: | Кіраўскі | ||||
| Насельніцтва: | 8 700 (2008) | ||||
| Часавы пас: | UTC+3 | ||||
| Тэлефонны код: | +375 2237 | ||||
| Паштовы індэкс: | 213931 | ||||
| Аўтамабільны код: | 6 | ||||
| Геаграфічныя каардынаты: | 53°16′ пн. ш. 29°28′ у. д. / 53.267° пн. ш. 29.467° у. д.Каардынаты: 53°16′ пн. ш. 29°28′ у. д. / 53.267° пн. ш. 29.467° у. д. | ||||
|
Кіраўск, Качэрычы на мапе Беларусі
 Кіраўск, Качэрычы
|
|||||
Кі́раўск, Качэ́рычы — горад у Магілёўскай вобласьці Беларусі, на рацэ Ала. Адміністрацыйны цэнтар Кіраўскага раёну. Насельніцтва 8,7 тыс. чал. (2008).
Знаходзіцца за 87 км на паўднёвы захад ад Магілёва, за 25 км ад чыгуначнай станцыі Бярэзіна на лініі Асіповічы — Жлобін, на аўтамабільнай дарозе Бабруйск — Магілёў.
Зьмест |
Гісторыя[рэдагаваць]
- ХVІ ст.: першыя згадкі пра сяло Качэрычы ў Вялікім Княстве Літоўскім.[1]
- 1560: у Качэрычах было 30 двароў.[1]
- ХІХ ст.: фальварак, цэнтар воласьці Бабруйскага павету.
- 1 студзеня 1919: згодна з пастановай І зьезду КП(б) Беларусі ўваходзілі ў склад Беларускай ССР, аднак 16 студзеня Масква адабрала Качэрычы разам зь іншымі этнічна беларускімі тэрыторыямі ў склад РСФСР.
- 1924: вярнуліся ў БССР, у Старцаўскім сельскім савеце Бабруйскага раёну.
- люты 1935: утварыўся Кіраўскі раён з цэнтрам у вёсцы Старцы.
- красавік 1939: Старцам замянілі імя на Кірава, а на месцы фальварку Качэрычы, каля Старцаў збудавалі пасёлак Кіраўск; сюды жа перанесьлі адміністрацыйны цэнтар раёну.
- ліпень 1941 — 26 чэрвеня 1944: знаходзіўся пад нямецкай акупацыяй.
- 1944—1954: у Бабруйскай вобласьці.
- 17 лістапада 1959: атрымаў афіцыйны статус гарадзкога пасёлку.
- 4 чэрвеня 2001: атрымаў статус места.
Насельніцтва[рэдагаваць]
Адукацыя[рэдагаваць]
Ёсьць 2 сярэднія, спартовая школы, школа мастацтваў.
Ахова здароўя[рэдагаваць]
У месьце знаходзіцца цэнтральная раённая лякарня на 145 шпітальных ложкаў, цэнтральная раённая паліклініка на 250 наведваньняў у зьмену.
Культура[рэдагаваць]
Працуюць 2 бібліятэкі, дом культуры
Мэдыі[рэдагаваць]
Выдаецца раённая газэта «Кіравец».
Забудова[рэдагаваць]
У 1972 і 1980 былі распрацаваныя генэральныя пляны мястэчка, у адпаведнасьці зь імі цэнтральная частка забудоўвалася 2-3-павярховымі дамамі, у паўночна-ўсходнім сэктары вядзецца будаўніцтва 2-5-павярховых будынкаў.
Эканоміка[рэдагаваць]
Прадпрыемствы харчовай, дрэваапрацоўчай прамысловасьці. Ільнозавод.
- ААТ «Кіраўск-Лён»
- ПУП «Камбінат каапэратыўнай прамысловасьці»
- ПУП «Кіраўскі кансэрвавы завод»
Турыстычная інфармацыя[рэдагаваць]
Захаваўся Качэрыцкі парк, закладзены ў пач. ХХ ст. Спыніцца можна ў гасьцініцы «Сузор’е».
Вядомыя асобы[рэдагаваць]
- Рыгор Крынчык (нар. 1927) — доктар фізыка-матэматычных навук, прафэсар.
Крыніцы[рэдагаваць]
- ^ а б Кіраўск // Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 2: Кадэцкі корпус — Яцкевіч. — Мінск: Беларуская Энцыклапедыя, 2005. С. 96
- ^ г. Кировск (Могилевская область) на Belarus.by
Літаратура[рэдагаваць]
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 2: Кадэцкі корпус — Яцкевіч. — Мінск: Беларуская Энцыклапедыя, 2005. — 788 с.: іл. ISBN 985-11-0378-0.
- Kaczerycze // Słownik geograficzny Królestwa Polskiego i innych krajów słowiańskich. Tom III: Haag — Kępy. — Warszawa, 1882. S. 654
- Кировск // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн., 2007.— 648 с. ISBN 978-985-11-0384-9.
Вонкавыя спасылкі[рэдагаваць]
|
||||||||
|
|||||||||||||||||
