Зэльвенскі раён

Зьвесткі зь Вікіпэдыі — вольнай энцыкляпэдыі.
Перайсьці да: навігацыі, пошуку
Адміністрацыйна-тэрытарыяльная адзінка
Зэльвенскі раён
Краіна Беларусь
Уваходзіць у Гарадзенская вобласьць
Адміністрацыйны цэнтар Зэльва
Дата ўтварэньня 15 студзеня 1940
Насельніцтва (2009) 19 119[1]
Шчыльнасьць 22 чал./км²
Плошча 869,69[2] км²
Месцазнаходжаньне Зэльвенскага раёну
Зэльвенскі раён на мапе
Мэдыя-зьвесткі
Часавы пас UTC +3
Тэлефонны код +375-15-64
Паштовыя індэксы 231 9хх
Афіцыйны сайт
Commons-logo.svg   Дадатковыя мультымэдыйныя матэрыялы

Зэ́львенскі раён — адміністрацыйна-тэрытарыяльная адзінка на поўдні Гарадзенскай вобласьці Беларусі. Плошча раёну складае 0,9 тыс. км². Насельніцтва — 19 119[1] чалавек (2009). Сярэдняя шчыльнасьць — 30,9 чалавек на 1 км². Адміністрацыйны цэнтар — мястэчка Зэльва.

Зьмест

[рэдагаваць] Геаграфічнае становішча

Зэльвенскі раён на поўначы мяжуе з Мастоўскім і Зьдзецельскім, на захадзе — з Ваўкавыскім, на ўсходзе — са Слонімскім раёнамі Гарадзенскай вобласьці, на поўдні — з Пружанскім раёнам Берасьцейскай вобласьці.

[рэдагаваць] Рэльеф і карысныя выкапні

Тэрыторыя раёну знаходзіцца на Ваўкавыскім і Слонімскім узвышшах, падзеленых далінай ракі Зальвянка, на поўначы — Нёманская нізіна. Рэльеф узьнёсла-платопадобны. Пераважаюць вышыні 150—200 мэтраў над узроўнем мора, найвышэйшы пункт — 239 мэтраў (каля вёскі Мадзейка).

Карысныя выкапні: торф, жвір, пясок, ганчарныя і цэмэнтавыя гліны.

[рэдагаваць] Клімат і расьліннасьць

Клімат умерана кантынэнтальны. Сярэдняя тэмпэратура студзеня −5,1 °C, ліпеня 18 °C. Сярэднярочная колькасьць ападкаў складае 536 мм. Працягласьць вэгетацыйнага пэрыяду — 198 дзён.

Лясы пераважаюць іглічныя, яловыя, бярозавыя, асінавыя, сустракаюцца дубовыя і грабавыя. Лясы займаюць 16,1% тэрыторыі раёну, зь іх 35% — штучныя насаджэньні. Глебы дзярнова-падзолістыя (64%), дзярнова-падзолістыя забалочаныя (11,5%), тарфяна-балотныя (12,5%). У даліне ракі Зальвянка — поплавы. Заказьнікі: дзяржаўнага значэньня — біялягічны Мядухава, паляўнічы заказьнік Старасельскі. Помнікі прыроды: камень-валун, дуб-траяк. Верхавыя балоты Карэвін луг (44,5) і Вішнёўка (143,2 га) абвешчаныя помнікамі прыроды мясцовага значэньня.

[рэдагаваць] Гідраграфія

Працякаюць рэкі Зальвянка, Шчара з прытокамі Луконіца, Бяроза. У раёне разьмешчанае Зэльвенскае вадасховішча (плошча 1190 га, максымальная глыбіня — 7,5 м, сярэдняя — 2,6 м) — найбольшы вадаём Гарадзенскай вобласьці, займае 18-е месца паводле плошчы ў краіне.

[рэдагаваць] Насельніцтва

Насельніцтва раёна складае 20,9 тысячаў чалавек. 37% з усяго насельніцтва складаюць пэнсіянэры

  • мястэчка Зэльва — 7,7 тысячаў
  • сельская мясцовасьць — 13,2 тысячы

Ва ўсіх галінах народнай гаспадаркі працуюць 7,9 тысячаў чалавек, зь іх у сельскай гаспадарцы — 2,9 тысячаў чалавек.

[рэдагаваць] Нацыянальны склад

Паводле перапісу 2009 году[3]:

[рэдагаваць] Канфэсійны склад

Дзейсныя рэлігійныя супольнасьці:

  • 7 праваслаўных рэлігійных супольнасьцяў;
  • 5 рымска-каталіцкіх рэлігійных супольнасьцяў;
  • 2 супольнасьці Эвангельскіх Хрысьціянаў Баптыстаў;
  • 1 супольнасьць Хрысьціянаў Веры Эвангельскай.

[рэдагаваць] Гаспадарчая дзейнасьць

Вытворчасьцю сельскагаспадарчай прадукцыі на тэрыторыі раёну займаюцца: 10 сельскагаспадарчых вытворчых каапэратываў, 1 сельскагаспадарчая філія, 2 раённыя ўнітарныя сельскагаспадарчыя прадпрыемствы і 9 фэрмэрскіх гаспадарак. Сельская гаспадарка спэцыялізуецца на мяса-малочнай жывёлагадоўлі, сьвінагадоўлі. Пасевы збожжавых і кармавых культураў, бульбы, цукровых буракоў, ільну.

Прамысловасьць раёну прадстаўляюць філія «Камбінат каапэратыўнай прамысловасьці» райспажыўтаварыства, прадпрыемствы «Трыкатажная фабрыка „Зэльвянка“» і «Зэльвенскі райпобыт».

Па тэрыторыі раёну праходзіць чыгунка Ваўкавыск — Баранавічы, аўтамабільныя дарогі Слонім — Ваўкавыск, Слонім — Масты.

[рэдагаваць] Турыстычная інфармацыя

Захаваліся помнікі архітэктуры: Сьвята-Міхайлаўская царква (царква-фартэцыя) у в. Сынкавічы, Спаса-Праабражэнская царква і касьцёл Ушэсьця Найсьвяцейшай Панны Марыі ў в. Дзярэчын, касьцёл Найсьвяцейшага Божага Цела і сьвятога Юрыя ў в. Крамяніца Дольная, касьцёл сьвятога Міхала Арханёла ў в. Луконіца, касьцёл Дабравешчаньня Найсьвяцейшай Панны Марыі ў в. Міжэрычы, Сьвята-Міхайлаўская царква ў в. Востраў, Сьвята-Георгіеўская царква ў в. Славацічы, сядзібны дом у в. Аляксандраўшчына, вадзяны млын у в. Старая Галынка.

[рэдагаваць] Вядомыя асобы

[рэдагаваць] Адміністрацыйна-тэрытарыяльны падзел

У складзе раёну 125 сельскіх населеных пунктаў, 9 сельсаветаў: Галынкаўскі, Дабраселецкі, Дзярэчынскі, Зэльвенскі, Каралінскі, Крамяніцкі, Славаціцкі, Сынкавіцкі, Тулаўскі[4].

[рэдагаваць] Крыніцы

  1. ^ a b Перепись населения — 2009. Гродненская область(рас.) Нацыянальны статыстычны камітэт Рэспублікі Беларусь
  2. ^ Государственный земельный кадастр Республики Беларусь(рас.) (па стане на 1 студзеня 2012 г.)
  3. ^ Перепись населения — 2009. Гродненская область. Национальный состав населения(рас.) Нацыянальны статыстычны камітэт Рэспублікі Беларусь
  4. ^ Зельвенский райисполком. Зельвенский район(рас.)

[рэдагаваць] Літаратура

  • Зельвенский район // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн., 2007.— 648 с. ISBN 978-985-11-0384-9.

[рэдагаваць] Вонкавыя спасылкі

Commons-logo.svg  Зэльвенскі раён — сховішча мультымэдыйных матэрыялаў

п • а • р
Зэльвенскі раён
Мястэчка
Адміністрацыйна-тэрытарыяльныя адзінкі базавага ўзроўню
п • а • р
Гарадзенская вобласьць  Сьцяг Гарадзенскай вобласьці
Раёны Герб Гарадзенскай вобласьці
Гарады
Мястэчкі
Атрымана з «http://be-x-old.wikipedia.org/w/index.php?title=Зэльвенскі_раён&oldid=1317888»
Асабістыя прылады
Прасторы назваў

Варыянты
Дзеяньні
Навігацыя
Удзел
Інструмэнты
На іншых мовах