Анікшты

Анікшты
Anykščiai
Герб Анікштаў
Першыя згадкі:	1440
Горад з:	1792
Павет:	Уцянскі
Насельніцтва:	11 958
Часавы пас: • летні час:	UTC+2 UTC+3
Геаграфічныя каардынаты:	55°32′ пн. ш. 25°06′ у. д.
Анікшты на мапе Летувы Анікшты
Галерэя здымкаў у Wikimedia Commons
http://www.anyksciai.lt/

Ані́кшты (па-летувіску: Anykščiai) — горад у паўночнай Летуве за 100 км ад Вільні і за 52 км ад Уцянаў, на рацэ Сьвятой. Зьяўляецца адміністрацыйным цэнтрам Анікштаўскага раёна Уцянскага павета. Колькасьць насельніцтва налічвае каля 12 тыс. чалавек. Праз горад праходзіць чыгунка Панявеж — Сьвянцяны. Анікшты знаходзяцца ў этнаграфічным рэгіёне Аўкштота.

Першыя ўспаміны аб паселішчы адносяцца да 1440 года. У XVI стагодзьдзі тут быў пабудаваны двор Радзівілаў. Магдэбурскае права Анікшты атрымалі 17 студзеня 1792 года па загаду вялікага князя Станіслава Аўгуста Панятоўскага.

Пасьля падзелаў Рэчы Паспалітай горад апынуўся ў складзе Расейскай імпэрыі. Жыхары горада актыўна ўдзельнічалі ў паўстаньнях 1830-1831 г.г. і 1863-1864 г.г., а ў навакольлі горада дзейнічала майстэрня па вытворчасьці зброі для паўстанцаў.

У 1902 годзе тут была пабудавана водная электрастанцыя. Большасьць насельніцтва Анікштаў была габрэямі, якія практычна ўсе былі забітыя гітлераўцамі пад час Другой Сусьветнай вайны. Пасьля 1920 года Анікшты знаходзіліся ў складзе Летувіскай рэспублікі, а з 1940 года ў складзе СССР. У 1938 годзе Анікшты паўторна атрымалі статус горада.

Вонкавыя спасылкі

 Анікшты — сховішча мультымэдыйных матэрыялаў