Панявеж

Панявеж
Panevėžys
Герб Панявежы
Першыя згадкі:	1503
Раён:	Панявескі гарадзкі
Павет:	Панявескі
Плошча:	50 км²
Насельніцтва:	129 014
Часавы пас: • летні час:	UTC+2 UTC+3
Геаграфічныя каардынаты:	55°44′ пн. ш. 24°21′ у. д.
Панявеж на мапе Летувы Панявеж
Галерэя здымкаў у Wikimedia Commons
http://www.panevezys.lt

Паняве́ж (па-летувіску: Panevėžys, мянушка: Aukstaitjos sostine (сталіца Аўкштоты)) — горад у цэнтральнай Летуве, разьмяшчаецца на рацэ Нявежа (прыток Нёмана). Насельніцтва налічвае 129 тыс. чалавек. Гэта пяты па колькасьць насельніцтва горад Летувы. Займае прыкладна 50 км². Горад зьяўляецца адміністрацыйным цэнтрам Панявескага павета і Панявескага гарадзкога раёна. Праз горад ідзе аўтамагістраль Вільня — Рыга. Чыгункай злучаецца з Дзьвінскам і Шаўлямі, дзейнічаюць два аэрапорты мясцовага значэньня. Панявеж лічыцца сталіцай этнаграфічнага рэгіёна Аўкштота.

Упершыню горад узгадваецца 7 верасьня 1503 года ў грамаце вялікага князя літоўскага Аляксандра Ягелончыка, дзе бурмістру Рымгалаў даравалася зямля з умовай пабудовы на ёй касьцёла. На правым беразе Нявяжы утварылася паселішча з касьцёлам, гандлёвай плошчай, карчмой, броварняй і лазьняй, якое атрымала назву Стары Панявеж. У пачатку ХVІ стагодзьдзя на левым беразе Нявяжы на дзяржаўных землях утварылася новае паселішча, якое атрымала назву Новы Панявеж. Абедзьве часткі аб’ядналіся ў 1780 годзе. У 1727 годзе ў Панявежы заснаваўся ордэн піяраў, які пабудаваў касьцёл, манастыр і калегію — першую сярэднюю школу ў горадзе.

У нашы дні, Панявеж зьяўляецца цэнтрам прамысловасьці Летувы, тут разьмяшчаюцца некалькі буйных прадпрыемстваў, якія былі заснаваныя яшчэ у часы СССР. Насельніцтва сучаснага Панявежа складаецца з летувісаў (96%), расейцаў (2,6%), беларусаў (0,2%), украінцаў (0,2%) і іншых (3,6%).

Вонкавыя спасылкі

 Панявеж — сховішча мультымэдыйных матэрыялаў