Курская вобласьць

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Адміністрацыйна-тэрытарыяльная адзінка
Курская вобласьць
Курская область
Coat of Arms of Kursk oblast.png
Flag of Kursk Oblast.png
Герб Сьцяг
Агульныя зьвесткі
Краіна Расея
Статус вобласьць
Уваходзіць у Цэнтральная фэдэральная акруга
Цэнтральна-Чарназёмны эканамічны раён
Адміністрацыйны цэнтар Курск
Дата ўтварэньня 13 чэрвеня 1934
Губэрнатар Аляксандар Міхайлаў
Насельніцтва (2010)
1 126 504[1] (43-е месца)
Шчыльнасьць 37,6 чал./км²
Плошча 29 997 км² (65-е месца)
Месцазнаходжаньне Курскай вобласьці
Курская вобласьць на мапе
Мэдыя-зьвесткі
Часавы пас GMT +4
Код аўтам. нумароў 46
Commons-logo.svg   Дадатковыя мультымэдыйныя матэрыялы

Ку́рская во́бласьць (па-расейску: Ку́рская о́бласть) — вобласьць у эўрапейскай частцы Расеі. Адміністрацыйны цэнтар — места Курск. Вобласьць уваходзіць у Цэнтральную фэдэральную акругу, мяжуе з Бранскай, Арлоўскай, Ліпецкай, Варонескай і Белгародзкай абласьцямі. Мае вонкавую мяжу з Украінай на захадзе. Вобласьць утворана 13 чэрвеня 1934 году.

Геаграфія[рэдагаваць | рэдагаваць крыніцу]

Тэрыторыя Курскай вобласьці разьмешчана на паўднёва-заходніх схілах Сярэднярускага ўзвышша. Характарызуецца наяўнасьцю старажытных і сучасных формаў лінейнай эрозіі — густыя сеткі складана-разгалінаваных рачных далінаў і яраў, якія падзяляюць межавыя паверхні, што вызначае зьлёгку ўзгорысты раўнінны рэльеф. Рэльеф мае складаны характар ​вэртыкальнага й гарызантальнага разьдзяленьня, характарызуецца наяўнасьцю разнастайных вышынных ярусаў.

Клімат[рэдагаваць | рэдагаваць крыніцу]

Клімат Курскай вобласьці ёсьць умерана кантынэнтальным, з умерана халоднай зімой і цёплым летам. Кантынэнтальнасьць узмацняецца з захаду на ўсход.

Гідраграфія[рэдагаваць | рэдагаваць крыніцу]

Курская вобласьць не разьмяшчае значнымі воднымі рэсурсамі, нягледзячы на тое, што мае густую рачную сетку (0,17 км/км²), з аб’ёмам гадавога сьцёку 3,38 км³. Рэкі заходняй і цэнтральнай частцы вобласьці (79% тэрыторыі) належаць да басэйна Дняпра, а ўсходняй (21% тэрыторыі) — да басэйна Дону. Колькасьць усіх рэк вобласьці даўжынёю больш за 10 км — 188, а іхняя агульная даўжыня — амаль 5160 км.

Гісторыя[рэдагаваць | рэдагаваць крыніцу]

У 1708 годзе пры падзеле Расейскай імпэрыі на 8 губэрняў Курскі край увайшоў у склад Кіеўскай губэрні. У 1719 годзе Кіеўская губэрня была падзелена на 4 правінцыі: Кіеўскую, Белгародзкую, Сеўскую й Арлоўскую. Тэрыторыя сучаснай Курскай вобласьці была падзелена паміж Белгародзкай і Сеўскай правінцыямі. У 1727 годзе было створана Белгародзкае намесьніцтва ў складзе Белгародзкай, Сеўскай і Арлоўскай правінцыямі. У 1749 годзе яно было пераўтворана ў Белгародзкую губэрню.

Насельніцтва[рэдагаваць | рэдагаваць крыніцу]

Насельніцтва вобласьці паводле вынікаў Усерасейскага перапісу насельніцтва 2010 году складае 1 126 504 чалавека. Шчыльнасьць насельніцтва — 37,6 чал/км². Найбольшай паводле колькасьці нацыянальнай групай зьяўляюцца расейцы (96,5%), другой паводле колькасьці ёсьць украінцы (1,3%).

Эканоміка[рэдагаваць | рэдагаваць крыніцу]

Эканоміка вобласьці заснавана на выкарыстаньні двух асноўных відаў прыродных рэсурсаў: урадлівых сельскагаспадарчых зямель і жалезных рудаў Курскай магнітнай анамаліі, якія здабываюцца ў Міхайлаўскім кар’еры. У Расейскай Фэдэрацыі Курская вобласьць вылучаецца прадукцыяй сельскай гаспадаркі, здабычай жалезнай руды, вытворчасьцю цукру й выпрацоўкай электраэнэргіі (Курская АЭС), прадукцыяй лёгкай прамысловасьці[2].

Сельская гаспадарка[рэдагаваць | рэдагаваць крыніцу]

Сельскагаспадарчыя ўгодзьдзі ў гаспадарках усіх катэгорый складаюць 2 146 тыс. га, або 72% усіх зямель вобласьці, ральля складае 1 628 тыс. га, або 54%. У вобласьці вырошчваюць збожжавыя, тэхнічныя, кармавыя культуры. Разводзяць буйную рагатую жывёлу мясамалочнага напрамку, сьвіней, птушку.

Вядомыя асобы[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Курская вобласьцьсховішча мультымэдыйных матэрыялаў