Растоўская вобласьць

Адміністрацыйна-тэрытарыяльная адзінка
Растоўская вобласьць Ростовская область
Герб	Сьцяг
Агульныя зьвесткі
Краіна	Расея
Статус	вобласьць
Уваходзіць у	Паўднёвая фэдэральная акруга Паўночна-Каўказкі эканамічны раён
Адміністрацыйны цэнтар	Растоў-на-Доне
Дата ўтварэньня	13 верасьня 1937
Губэрнатар	Васіль Голубеў
Насельніцтва (2010)	4 279 179 (6-е месца)
Шчыльнасьць	42,4 чал./км²
Плошча	100 967 км² (33-е месца)
Месцазнаходжаньне Растоўскай вобласьці
Мэдыя-зьвесткі
Часавы пас	GMT +4
Код аўтам. нумароў	61, 161
Дадатковыя мультымэдыйныя матэрыялы

Расто́ўская во́бласьць (па-расейску: Росто́вская о́бласть) — вобласьць на поўдні Расеі. Адміністрацыйны цэнтар — места Растоў-на-Доне, які зьяўляецца буйным прамысловым, культурным і навуковым цэнтрам, а таксама важным траспартным вузлом і мае марскі порт. Вобласьць уваходзіць у Паўднёвую фэдэральную акругу. На поўначы мяжуе з Варонескай вобласьцю, на поўдні з Краснадарскім і Стаўрапальскім краямі й рэспублікай Калмыкія, на захадзе — з Украінай, а на ўсходзе — з Валгаградзкай вобласьцю. У 2007 годзе Банкам Расеі была зроблена памятная манэта, прысьвечаная Растоўскай вобласьці.

Геаграфія

Адлегласьць па прамой ад Масквы складае 756 км. На тэрыторыі вобласьці працякае адна з найбуйнейшых рэкаў Эўропы — Дон, разьмешчана Цымлянскае вадасховішча аб’ёмам у 24 млрд м³. Суднаходныя асноўныя прытокі Дона ёсьць рэкі Северскі Данец і Маныч. Азёры займаюць толькі 0,4% тэрыторыі вобласьці. Частка гідраэнэргетычнага патэнцыялу рэалізуецца на Цымлянскай ГЭС у памеры 630 млн кВт·г.

Мінэральная сыравіна ўключае групу паліўна-энэргетычных рэсурсаў, сярод якіх ёсьць каменныя вуглі Ўсходняга Данбаса, у асаблівасьці антрацыт, самы лепшы ў сьвеце па калярыйнасьці. Распрацоўваюцца радовішча нярудных сыравінаў для мэталюргіі й вытворчасьці будаўнічых матэрыялаў. Разьведаныя запасы газу ацэньваюцца ў 56,2 млрд м³. Маюцца таксама радовішча жалезнай руды, флюсавых вапнякоў, будаўнічых матэрыялаў, паваранай солі, прыроднага газу.

Лясны фонд вобласьці нязначны, прадстаўлены на 2,8% тэрыторыі большай часткай лясамі, якiя выконваюць водаахоўную функцыі.

Гісторыя

Вобласьць ўтворана 13 верасьня 1937 году шляхам выдзяленьня з Азова-Чарнаморскага краю. Раёны вобласьці былі ўтвораны зь існавалых на той час акругаў: Данецкай, Данской, Сальскай, Паўночна-Данской, Таганроскай й Шахцінска-Данецкай. Першым кіраўніком вобласьці быў прызначаны відны дзяяч ЧК, ОГПУ, НКУС Яфім Еўдакімаў.

Насельніцтва

Колькасьць сталага насельніцтва Растоўскай вобласьці на 2009 год склала 4 241,8 тысяч чалавек. Шчыльнасьць насельніцтва складае 42,1 чал/км² (2009), удзельная вага гарадзкога насельніцтва — 66,9% (2009). Большасьць насельніцтва складаюць расейцы. Таксама ў вобласьці пражываюць украінцы (2,7%), армяне (2,5%, большасьць у Мясьнікоўскім раёне й Растове-на-Доне). Беларусы складаюць нязначную частку насельніцтва ў памеры 16 493 чалавека.

Эканоміка

На тэрыторыі вобласьці разьвіты аграрная прамысловасьць, харчова-перапрацоўчая прамысловасьць, цяжкае й сельскагаспадарчае машынабудаваньне, вугальная прамысловасьць, аўтамабілебудаваньне. Галоўнае багацьце вобласьці — ейныя глебавыя рэсурсы. У агульнай структуры зямлі чарназёмы складаюць амаль 65%.

Больш за 60% валавой прадукцыі сельскай гаспадаркі вобласьці вырабляецца ў галінах расьлінаводзтва. Першараднае значэньне ў ягонай структуры мае збожжавая гаспадарка, пад якім занята каля паловы пасяўных плошчаў. Галоўная збожжавая культура ёсьць азімая пшаніца. Шырока распаўсюджаны пасевы кукурузы, рысу, проса, грэчкі й іншых крупяных культураў, а таксама соі.

Вядучай тэхнічнай культурай зьяўляецца сланечнік. На прамысловай аснове створана садоўніцтва й вінаградарства. Вялікія плошчы занятыя пад агародніцтва. У жывёлагадоўлі вобласьць спэцыялізуюцца па малочным і мясным кірунку, авечкагадоўлі, конегадоўлі й птушкагадоўлі.

Вонкавыя спасылкі

 Растоўская вобласьць — сховішча мультымэдыйных матэрыялаў

• Афіцыйны сайт вобласьці
• Савет муніцыпальных утварэньняў Растоўскай вобласьці
• Фотаздымкі Растоўскай вобласьці й Расова-на-Доне. Temernik.ru