Бурундзі
Зьвесткі зь Вікіпэдыі — вольнай энцыкляпэдыі.
|
|||||
| Нацыянальны дэвіз: "Ubumwe, Ibikorwa, Iterambere" (Адзінмтва, Праца, Прагрэс) | |||||
 |
|||||
| Афіцыйная мова | кірунды, француская | ||||
| Сталіца | Бужумбура | ||||
| Найбуйнейшы горад | Бужумбура | ||||
| Урад | рэспубліка П'ер Нкурунзіза |
||||
| Плошча - Агульная - % вады |
145-е месца ў сьвеце 27 830 км² 7,8 |
||||
| Насельніцтва - Агульнае (2005) - Шчыльнасьць |
94-е месца ў сьвеце 7 548 000 271/км² |
||||
| СУП - Агульны (2003) - на душу насельніцтва |
142 месца ў сьвеце 4,517 млрд.$ 739 $ |
||||
| Валюта | Бурундыйскі франк (BIF) |
||||
| Часавы пас - улетку |
CAT (UTC+2) +2 (UTC+2) |
||||
| Незалежнасьць ад Бэльгіі |
1 ліпеня 1962 | ||||
| Дзяржаўны гімн | ««Burundi bwacu»» | ||||
| Аўтамабільны знак | BU | ||||
| Дамэн верхняга ўзроўню | .bi | ||||
| Тэлефонны код | +257 |
||||
 |
|||||
Буру́нды (кірунды: Uburundi, па-француску: Burundi), Рэспубліка Бурунды – краіна ў Цэнтральнай Афрыцы, не мае выхаду да мора. Мяжуе з Руандай, Танзаніяй і Дэмакратычнай Рэспублікай Конга.
Зьмест |
[рэдагаваць] Гісторыя
- XVII стагодзьдзе – утварэньне каралейства Бурунды.
- 1890-я г.г. – нямецкае заваяваньне. Утварэньне нямецкай калёніі.
- 1918 год – пасьля Першай Сусьветнай вайны Бурунды была перададзена Бэльгіі.
- 1962 год – атрыманьне незалежнасьці як каралеўства. Да 1993 года ўлада належала народу тутсі, палітычнай арганізацыяй якога стала Зьвяз за нацыянальны прагрэс.
- 1965 год – антыманархічнае паўстаньне хуту. Манархісты тутсі абаранілі манархію, але неўзабаве самі яе адмянілі.
- 1966 – 1993 – вайсковая дыктатура кіраваная прэдсэдацелямі Вышэйшага Рэвалюцыйнага Савета (Мікамбэра, Багаза, Буйоя).
- 1993 год – першым дэмакратычна выбраным прэзыдэнтам стаў прадстаўнік хуту Мэльхіёр Ндадайе, які хутка быў зьвергнуты вайскоўцамі тутсі.
- 1996 год – пераварот маёра Пьера Буйоі.
- 2003 год – улада перайшла большасьці хуту пад кіраўніцтвам Даміцьен Ндайізэе мірным шляхам.
- 2004 год – забойства ў лагеры Гатумба 180 бежанцаў тутсі з Дэмакратычнай Рэспублікі Конга. Адказнасьць узяла групоўка з народа хуту.
[рэдагаваць] Палітыка
Бурунды гэта рэспубліка. Згодна з канстытуцыяй 1992 года, кіраўніком дзяржавы зьяўляецца прэзыдэнт, які выбіраецца на ўсеагульных выбарах на пяцігадовы тэрмін. Заканадаўчая ўлада належыць аднапалатнаму парлямэнту. Выканаўчая ўлада належыць ураду, які назначаецца прэзыдэнтам. Палітычная сыстэма краіны – шматпартыйная.
[рэдагаваць] Адміністрацыйны падзел
Краіна падзеленая на 17 правінцый, якія ў сваю чаргу дзеляцца на 117 камунаў.
[рэдагаваць] Геаграфія
[рэдагаваць] Эканоміка
Бурунды мае слаба разьвітую эканоміку. 91% гаспадаркі прадстаўлена сельскай гаспадаркай, якая забясьпечвае 48% нацыянальнага прыбытку (прамысловасьць – 26%, паслугі – 26%). Асноўнымі сельскагаспадарчымі культкрамі застаюцца: бананы, сорга, маніёк, кава, гарбата, бавоўна, рыс, пшаніца, тытунь. Асноўным сельскагаспадарчым рэгіёнам застаецца даліна ракі Рузызы.
Карысныя выкапні амаль не дасьледаваны. Існуюць невялікія капальні золата, вальфраму. Вядома аб існаваньні вялікіх радовішчаў ванадыя і нікелю.
Прамысловасьць слаба разьвітая. У асноўным прадстаўлена прадпрыемствамі харчовай і будаўнічай прамысловасьці, якія канцэнтруюцца вакол сталіцы.
Не існуе чыгункі. Аўтамабільная сетка слаба разьвітая (каля 5 тыс. км).
Бюджэт краіны складаецца з паступленьняў ад экспатру кавы.
[рэдагаваць] Дэмаграфія
83% насельніцтва складаецца з народа хуту, астатнія гэта тутсі (15%) і пігмеі (каля 1%). 63,2% насельніцтва – хрысьціяне, 33% анімісты, каля 1% мусульмане. У Бурунды адзін з самых высокіх прыростаў насельніцтва, краіна мае вялікую шчыльнасьць насельніцтва на км². 1% насельніцтва жыве ў гарадах. Ня гледзячы на існаваньне вялікай колькасьці моў, афіцыйнай застаецца француская і кірунды.
[рэдагаваць] Культура
[рэдагаваць] Вонкавыя спасылкі
